الصهيوعربية الجديدة

ثمن دماء الشهداء في غزه وقتل الأطفال والنساء تمديد حكم عباس لجعل

الحكومه سياستها التواطؤ والخيانة ثمن ضياع الأرض الفلسطينية هي

الأجساد المدفونة تحت أنقاض المذبحه الصهيوعربية ..
لعبة سياسه جديده لقضاء علي حماس وتثبيت أقدام العميل الفلسطيني

رقم 1 لتحقيق الأهداف الصهيو عربية راح ضحيتها مايقرب 1500شهيد

وعشرة ألاف من الجرحي والمصابين وتحقيق الهيمنة الأمريكية والصهيونية

والإنصياع العربي ولم يصنع قمة قطر سوي التنديد والتبرعات إذا فهذه هي القضيه

الفلسطينية تنديد وبعض النقود ومركبات المعونات وحين يتكلم أحدهم يقول

أزمة والطرق السلمية أي أزمه إنها قضية واي طرق سلمية تبيح لأجل حلها

إراقة الدماء
..
وعند إستشهاد الضابط المصري برصاص فلسطينية أتهمت حماس بالتعمد

وعندما أستشهد مواطن مصري علي الحدود المصرية برصاص إسرائيلي أتهم بالتهريب

ومحاولة عبور الحدود المصرية الإسرائيلية أي مقارنة تلك وأي حدود إسرائيلية تلك التي

يدّعون أصارت حدودنا مع فلسطين حدود إسرائيل .
ورفض المحكمة الجنائيه الدوليه التحقيق في جرائم الحرب مدعية بأنها ليست من

خصوصياتها أي خصوصية تلك التي تسمح بمعاقبة من تشاء وتترك من تشاء إذا فلتسقط

كل المنظمات الدوليه التي تدعي بأنها قائمه من أجل العدل والسلام فليس هناك بعد

الأن طرقاً سلمية ولا شرعية لإستعادة الحقوق ليس هناك سوى العين بالعين والسن بالسن
ومن يريد إخماد المقاومة فليذهب إلي الجحيم

أصحي ياسيادة الوزير ...!

اصحي يا سيادة الوزير انت مش الريس أنور السادات أيه اللي بتعمله ده عايز تروح تبيع كرامتك وكرامة بلدك علشان منصب حتي لو في الإتحاد الأروبي ذاته ايه خلاص مابقاش للمصري كرامه عايز تروح تترجاهم يوافقوا علشان اليونسكو فوق بقي تطبيع وتطبعنا أراضي وبعنا وإقتصاد وتعاملنا ايه مافضليش غير الكرامه وعايزنا نتنازل كمان عنها ماتقوليش اصل اليونسكوهايوصلنا لقضيتنا وتاكل بعقلي وعقل الغلابه بكلمتين وإنها مصلحه لينا بس بعدين خلاص بقي كفايه ياراجل ده السادات مارحش غير لما كان إنتصاره في أيده ورافع راسه وراية بلاده وكاسر أنفوهم ودايس علي روسهم انت رايح بقي ليه وهما مالكنا بإقتصاد وزراعه وصناعه يعني هما الي حاسين انهم منتصرين في العراق وفلسطين قلبت الأيه وأهي الناس مش فهمين صح
ياراجل حرام بدل ماتروح تبوس الإيد ابوس لك أنا الأيد وما تروحش ياراجل اعمل زي الحكيم اللي قال خلي الحكم هواللي يجري عليك مش أنت إللي تجري عليه ما جتش من منصب زياده ما أنت وزير ولا أنت طمعان في حاجه أكبر ياراجل ده أنت حتي فنان والفنان مايهمهوش لا جاه ولا سلطان .
ما تعملش زي غيرك وبعد كده يركبوك ويمرجحوا رجليهم
ولا انت قلت اشمعني انا ما أحنا عارفين عاميلهم بيجوا في كل حاجة ويحطوا مراخيرهم علشان يلووا دراعنا ويكسروا عينا ليه نديهم الفرصة ولا خلاص عشان احنا بعنا ضميرنا
استحلفك بشوية الكرامه الي بقيلنا تشيل الفكره من دماغك وتخلي شوية كرامه نعيش بيها ونربي عيالنا .

فينك يا عربي فينك يامصري

بصراحه حبست نفسي واصبحت مش طايق حد
الناس بقة غريبه وانا كمان , في لحظه حسيت اني حيوان
مش إنسان كل واحد همه نفسه
دخلت غرفتي وقفلت الباب حسيت أني مربوط بسلاسل
ولا جسمي أوراسي قادر ارفعهم حسيت بالعجز والخزي والهوان
بصيت علي كتبي واشيائي بقيت أفتكر كل يوم كنت فيه وانا لسه بتعلم
ولما كنت بدرس تاريخ لقيت اسامي منقوشه علي الحيطان بتصرخ
وجوه مجهوله ماشفتها قبل كده بتنادي اسمي وديني وبلادي
دققت في النقوش لقيتها لأسماء عمر التاريخ مانسيها بدأ من حمزه وخالد وأسامه
ماقدرتش أرفع راسي حسيت بمهانه
طومان باي وصلاح الدين وقطز وسليمان الحلبي وابطال عمرهم ماعرفه المذله 1او الإستكانه
وحرب 48 وأكتوبر 73 وأحنا في 2008 ضايعين وتايهين ,افتكرت قانا وغزه والعراق واحنا واقفين ساكتين
صرخت قلت كفايه أنا خلاص بقيت من المجانين ,اصواتهم عليت يامسلم تعرف أحنا مين
قولتلهم ما ده اللي مخليني حزين ,ابطال علي أمجادهم بنفرح ونعيد وادينا عايشين و مش عايشين
اشباه حيوانات في صورة بشر عايشين, بقينا نبيع نفسنا ونقول مين يعلي الثمن مين
زهقت خلاص نبينا ودينا أتهانوا واحنا نشجب وندد وندين, وعروبتنا اتسرقت واصبحنا عبيد للخنازير
لما حد يسألني أنت مصري بقيت بحس في عنيه بيقول أمال فين رجال حطين ومحمد كُريم ورجالة العبور العظيم
كنت عايز أقوله بقينا أسماء وتواريخ مركونه علي الرفوف للدراسه والقرايه لكننا احنا ابناء نهر النيل
نهر النيل اللي دافع عنه خوفو واحمس وكليوبترا بعناه بإسم السياحه علشان يلوثوه التافهين الفاسدين
ونبيع اراضينا واهو استثمار بيخلي قال ايه اقتصادنا كل يوم يبقي بالملايين صرخت قولت هاتفيد ايه ده الملايين واسمنا ودينا وبلادنا خلاص بقوا في الطين وجرايد بإسم الحق بتقول وتهاتي وهي في الحقيقه بترتشي وتدادي
فينك ياعمرو لما امك نادت واه عمراه لبيت الندا وانت زي الأسد في الوادي وانت يا فارس العرب يا حمداني لما إمرأه قالت واه إسلاماه حطمت أسوار الصليبين الأعادي فينك ياناصر وفين حلمك البسيط العادي
أستنيتوا ايه لما كلينتون يمشي واهو مشي ودلوقتي بوش يمشي واهو ماشي
وبعدين مستنين غيرنا يجبولنا حقنا واحقنا نقول خلينا كده مسالمين
كفايه بقي تمثيل وأدوار بطوله مش عايز غير الشرف والرجوله
فينك ياعربي يا أبو الكرم والنخوه والشهامه فينك يامصري يامعني الرجوله والكرامه

المشكله فين......؟

في يوم وفي أول محاولاتي إني أتغيرومن السلبيه ده أتحرر

فوقفت أمام المرايه أبص لنفسي وسألتها وبعدين..؟
فقالتلي كبر دماغك فقولتلها ولحد أمتي ..؟
فقالت اريحلك تسمع لكلمه ليك زمان أتقالت
فقلتلها إزاي انا دلوقتي كبرت وفهمت اما زمان كنت صغير
أشوف الظلم وأقف أتحير أجري علي أبويا وأمي وأنا متغير
فيصرخوا فيا ويقولوا مالك ياأبني
قلتلهم أنا شفت شيئ غريب بيحصل فأتخضوا وقالوا حصل أيه
قلتلهم أستاذي قال حب لأخيك كما تحب لنفسك
وأوعي من الكدب لأنك كده بتخدع نفسك فبقيت احب كل أصحابي
وأقول الحق ولو السيف علي رقابي
فأستغربوا وقالولي ده شيئ كويس امال في ايه
قلتلهم أمال المدرس عمل غير كده ليه..؟
وكان الرد مالناش دعوه وخليك انت في حالك...!
وكبرت شويه شويه وكبرت دماغي ديه قوم يحصل ايه..؟
الاقي ناس بتسرق وتغش وتقول احنا ما نحبش الغش فوقفت
تانى متحير وجريت على أبويا وامى وانا برده متغير
فقالوا لى حصل ايه تانى قولتلهم لقيت الناس بتكذب وتسرق وتغش
وتقول انا ما بحبش الغش فقالوا لى ملكش دعوه وخليك فى حالك
ومره تانيه لقيت الناس بتظلم والظلم بيعلى ويكبر والقوى على
الضعيف والصغير بيقدر فوقفت تانى متحير ورجعت وانا متغير
فقالوا لى حصل تانى ايه فحكيت لهم على الحصل
فكان ردهم عجيب
أبويا قال :خليك مع القوى وأوعى تسيب الضعيف
وأمى قالت: صاحب دائما القوى علشان متبقاش ضعيف
يوم ورا يوم كبرت والظلم كبر ويايا ومن الحيره انا
تعبت بعد ما زادت جوايا
فقلت لنفسى وبعدين من الحيره انا غلبت ومش عارف اروح فين
وفى يوم اتخنقت وزهقت وقلت خلاص انا كبرت
ومفيش ملناش دعوه
وفى مره وانا قاعد وياهم كانوا بشتكوا من الحال
وبيدعوا على ظالم غشاش ومحتال
فاضحكت ومن الضحك هلكت
فقالوا:هو ياواد فى ايه
قلت لهم:لا ولا حاجه ملناش دعوه