فينك يا عربي فينك يامصري
بصراحه حبست نفسي واصبحت مش طايق حد
الناس بقة غريبه وانا كمان , في لحظه حسيت اني حيوان
مش إنسان كل واحد همه نفسه
دخلت غرفتي وقفلت الباب حسيت أني مربوط بسلاسل
ولا جسمي أوراسي قادر ارفعهم حسيت بالعجز والخزي والهوان
بصيت علي كتبي واشيائي بقيت أفتكر كل يوم كنت فيه وانا لسه بتعلم
ولما كنت بدرس تاريخ لقيت اسامي منقوشه علي الحيطان بتصرخ
وجوه مجهوله ماشفتها قبل كده بتنادي اسمي وديني وبلادي
دققت في النقوش لقيتها لأسماء عمر التاريخ مانسيها بدأ من حمزه وخالد وأسامه
ماقدرتش أرفع راسي حسيت بمهانه
طومان باي وصلاح الدين وقطز وسليمان الحلبي وابطال عمرهم ماعرفه المذله 1او الإستكانه
وحرب 48 وأكتوبر 73 وأحنا في 2008 ضايعين وتايهين ,افتكرت قانا وغزه والعراق واحنا واقفين ساكتين
صرخت قلت كفايه أنا خلاص بقيت من المجانين ,اصواتهم عليت يامسلم تعرف أحنا مين
قولتلهم ما ده اللي مخليني حزين ,ابطال علي أمجادهم بنفرح ونعيد وادينا عايشين و مش عايشين
اشباه حيوانات في صورة بشر عايشين, بقينا نبيع نفسنا ونقول مين يعلي الثمن مين
زهقت خلاص نبينا ودينا أتهانوا واحنا نشجب وندد وندين, وعروبتنا اتسرقت واصبحنا عبيد للخنازير
لما حد يسألني أنت مصري بقيت بحس في عنيه بيقول أمال فين رجال حطين ومحمد كُريم ورجالة العبور العظيم
كنت عايز أقوله بقينا أسماء وتواريخ مركونه علي الرفوف للدراسه والقرايه لكننا احنا ابناء نهر النيل
نهر النيل اللي دافع عنه خوفو واحمس وكليوبترا بعناه بإسم السياحه علشان يلوثوه التافهين الفاسدين
ونبيع اراضينا واهو استثمار بيخلي قال ايه اقتصادنا كل يوم يبقي بالملايين صرخت قولت هاتفيد ايه ده الملايين واسمنا ودينا وبلادنا خلاص بقوا في الطين وجرايد بإسم الحق بتقول وتهاتي وهي في الحقيقه بترتشي وتدادي
فينك ياعمرو لما امك نادت واه عمراه لبيت الندا وانت زي الأسد في الوادي وانت يا فارس العرب يا حمداني لما إمرأه قالت واه إسلاماه حطمت أسوار الصليبين الأعادي فينك ياناصر وفين حلمك البسيط العادي
أستنيتوا ايه لما كلينتون يمشي واهو مشي ودلوقتي بوش يمشي واهو ماشي
وبعدين مستنين غيرنا يجبولنا حقنا واحقنا نقول خلينا كده مسالمين
كفايه بقي تمثيل وأدوار بطوله مش عايز غير الشرف والرجوله
فينك ياعربي يا أبو الكرم والنخوه والشهامه فينك يامصري يامعني الرجوله والكرامه
4 التعليقات:
تشبة بالكرام فان تشبهك بالكرام كرام
اسال الله العظيم رب العرش الكريم ان يفرج كربك .
فان مع العسر يسرا ان مع العسر يسرا
اساله الله عز وجل ان يجمعنى واياك فى الجنة مع النبى صلى الله عليه وسلم .
كما اساله عز وجل ان يستخدمنا لنصرة دينة ودعوتة.
امين .
دعواتك
شكرا لك أخي ولعل الله يرفع عنا هذا الذل والهوان لك خالص أمنياتي بالتوفيق
لا تنسى صديقي أن 50% من العرب هم نساء وأن مقاييس الشرف والنخوة والشهامة والكرامة لا تقاس بمقاييس الرجولة
ربما وربما فقط إذا تخلص العرب والعالم بأسره من أسطورة الرجولة ربما قد تنفتح الأبواب ونجد حلولا للكارثة
هذا مجرد رأي
وشكرا على غظبك البناء وعلى كلماتك الصادقة
لا تيأس ولا تعتمد على الله
أنت فقط مع بقية البشر رجالا ونساءا تستطيعون ونستطيع معا تغيير العالم
شيزوفرينيا
saoudsalem.maktoobblog.com
اخى الفاضل
شريف
مرحبا بك فى البلوجر فقد سبقناك فى اتخاذ
هذه الخطوة للتنويع كمان وعدم الخضوع لموقع واحد ربما يواجهك مشاكل معه
اخى الغالى
اين شعار الاتحاد برجاء اخذه من مدونة الاتحاد كوبى ووضعه هنا باست
شكرا لك وفى انتظار تواصلك وتفاعلك مع حملتنا الحالية
إرسال تعليق