بقيه المشكله فين

ملناش دعوه....!!

الحكايه اتأزمت وشكلهم خدوها جد وزعلوا وكأن حد دسلهم على طرف
وصرخوا فيا انت قصدك ايه يعنى ايه ملناش دعوه مش الى بيصيرعلى
الناس يصير علينا والا احنا مش من باقى الناس لقيت الموضوع كبر
حاولت اهديهم شويه وافكرهم لكن ملقتش فرصه بصراحه حسيت انهم
قفلوا باب المناقشه بطريقه هاديه فقلت : لهم على العموم انا خارج عايزين حاجه من بره .
خرجت وقلت أحل المشكله فى مكان تانى ركبت الاوتوبيس وقلت هروح اى حته وانا قاعد واتنين قدامى واحد فيهم بيقول: اصل الحكومه ده هى السبب هى اللى موديانه فى داهيه متقولش انهم بيتعمدوا يعملوا معانا كده فرد عليه التانى .
اصل احنا اللى غالطنين احنا اللى ساكتين على ده كان لازم اول ما يغالو الحاجه نعتصم ومنشتريش ونعمل اضراب زى الناس فى اسبانيا وايطاليا.
وفجأه وهما سخونين فى الحوار بتعهم الاوتوبيس وقف والشارع كله وقف قمت ابص اشوف فى ايه لقيت الناس بتقول حادثه عربيتين خبطوا فى بعض والاتنين ماسكين فى بعض ده يقول انت اللى غلطان والتانى يقول لا انت اللى غلطان وفضلنا واقفين نصف ساعه وبقت ساعه .
والاتنين اللى قدامى ماصدقوا اللى حصل واتهموها برده فى الحكومه .
وقال واحد: هى الحكومه بردك السبب اصل لو كان فى عسكرى واقف او عربيه شرطه مكناش وقفنا كل ده .
فرد التانى: ايوه صح ولو حتى واقف اهو الراجل بغمزله يسكت والتانى يغمزله بحاجه عشان يعمله محضر ادى ياعم الحكومه.
بصراحه المره ديه انا مقدرتش امسك نفسى وغصب عنى قلت ادخل فى الحوار طب المره الاولنيه سبت البيت وخرجت المره ده هعمل ايه
فقولت للراجل يا استاذ : لما انت بتقول الحكومه هى السبب فى كل حاجه والحكومه هى السبب فى الحادثه امال احنا بنعمل ايه هى الحكومه هى الى بتنزل تشغل المصانع بأديها والا هى اللى بتسوق العربيات بأديها وقولى كمان هى اللى بتبع وتشترى بأيديها يعنى الوزير واقف فى سوبر ماركت بيبعلك البقاله وسواق االاوتوبيس هو وزير النقل والمواصالات .
بصراحه سواق الاوتوبيس اول ما سمع كده قال ياريت وضحك اما الراجل فقال لى انت قاصدك ايه يااستاذ انت بتتريق علينا
قلت له: لا مقصدش بس انا قصدى ان العيب فينا اصل السواق اللى راكب العربيه لو ماشى صح مكنش خبط فى العربيه التانيه
والبياع لوبيراعى ضميره صح مكنش الاسعار عليت ومكنش بقى فى سرقه والناس بقى عندها ضمير انت بتقول اسبانيا وايطليا و انت
ياعنى شوفت فيها عسكرى مرور واقف ولا شوفت واحد ماشى عكس او سواق ميكروباص فاتح على الرابع فرد التانى قال والله عندك حق فقلت له :يبقى المشكله فين
فرد اللى كان محموق ياعم كبر دماغك ملناش دعوه ....
وانا سمعت كده وضحكت ومن الضحك هلكت.
اظاهر انى الكلمه مش انا لوحدى اللى سمعتها ..
وفجأه بصلى الاتنين وشكلهم كانوا هيقوموا يضربونى وقالوا انت بتضحك علينا ولا ايه فبسرعه رديت :لا اصل انا افتكرت حاجه ضحكتنى على العموم عندك حق
ملناش دعوه........